दादा

का कुणी मजसाठी मरावे

का कुणी मजबद्दल चिंतावे

उमगेना उत्तर मजला

सर्व काही देवासी ठावे .१.

एकला होतो जबाबदारी घेण्या

पार पडू शकलो नाही

नालायक ठरलो विश्वासास त्या

स्वतःसही जिंकलो नाही .२.

दादा होण्या असमर्थ ठरलो

तरी दादा म्हणत होता

काय झाले कोण जाणे

शेवटी तो एकटाच होता .३.

चिंता वाटत होती त्यास

तसूभरही तुम्हास न ठावे

जबाबदारी पडलेली घेण्या

असमर्थ तो ठरला आहे .४.

काय चुकले माझे

मलाच काही समजेना

कशी काढावी ओळख

आता परकाही कुठे दिसेना .५.

                                स्वानंद नंदकुमार मराठे

                                ११/०२/२०१५

                                ०१:३० वा.