एक अनोळखी तू
बहीण बनून गेलीस
तुटलेले मन माझे
सावरून गेलीस
बंध म्हण अथवा
मनातली आपुलकी
रामाची इच्छा किंवा
भावाची बांधीलकी
भेट आपली आठव पहिली
कसे होते सारे जमले
नाते सुरु झाले तेव्हा
आपण झालो आपले
पाठिंबा हवा या भावाला
देशील ना ताई सांग
मी ही धावून येईन तुजसाठी
हाक मारशीलना सांग
आयुष्यभर जपेन मी
आपुल्या या नात्याला
बहिणाबाई माझ्या तुम्ही
विसरु नका भावाला
स्वानंद नंदकुमार मराठे
22/02/2016
12:08 वा.
( कर्वेनगर - पुणे
)